فاض بي الكيل

ما دفعني لكتابة هذا الموضوع هو نفاذ صبري من هؤلاء الذين تقتصر مهمتهم في الحياة على سب و قذف و تخوين الاخوان و مهما حاولت اقناعهم فانهم لا يسمعون و يأبوا ان يصدقوا او يحاولوا فتح عقولهم لتقبل ما تقول و هيكون كلامي بالعامية اكثر منه بالفصحى .

قالوا الاخوان ما شركوش في الثورة و هما اعلنوا قبلها بيوم انهم مش هيشاركوا هنوافق و نقول ماشي هما عملوا كده و مع ذلك  هما وضحوا بعدها سبب إعلانهم هذا أنهم خافوا أن تستغل الحكومة البائنة وقتها نزول الاخوان لتخويف الناس من النزول بإعلانهم ان من في الميدان هم الاخوان و ليس شعب مصر بالكامل و هو ما اعترف به بعض الاعلاميين الذين طلب منهم ذلك أمثال محمود سعد و مع إعلانهم بذلك فقد سمحوا لشبابهم  بالنزول للميدان و منهم من شارك من أول يوم و بعد تأكد الشعب المصري ان من في الميدان ليسوا الاخوان فقط بل هو خليط من الشعب المصري بكافة اطيافه زادت الاعداد و اعلن الاخوان نزولهم رسميا في جمعة الغضب ييوم 28/1/2011 لتنظيم الميدان و الدفاع عنه و لا احد ينكر ادور الاخوان في الدفاع عن الميدان و انجاح الثورة خاصة يوم موقعة الجمل لقدرته .م العالية على التنظيم و الحشد .

و حاجة تانية الكنيسة اعلنت وقتها ايضا على عدم نزولها فهل من حقي ان اقول ان المسيحيين جميعا لم يشاركوا في الثورة اعلنها اني سأكون كاذبة وقتها لاني رأيت بأم عيني بعض الاخوة المسيحيين معنا في المظاهررات كما انهم هم من كانوا يقفون لحماية المصليين في الميدان . فلماذا لا يقوم الشباب باتهام المسيحيين بعدم المشاركة في الثورة و لماذا لا يسبوا و يلعنوا في الكنيسة كما يفعلوا مع الاخوان إلا إذا كان هذا مجرد تعنت مع الاخوان .

بيقولوا تسليم السلطة لمدنيين حالا و انا موافق يا عم بس نيجي بقة نسلمها لمين إذا كان مجلس الشعب المختار بإرادة شعبية و بالتصويت مش عاجبهم و عايزيين يحلوه نختار رئيس جمهورية ازاي . ما احنا لو صبرنا على رزقنا و بطلنا خناقات على الفاضي هنعمل انتخابات شورى و رئاسة و دستور كمان في فترة قصيرة و هنقدر نرجع الجيش للحدود و لمهمته الرئيسية . و الله يا سيدي ما عجبني اللي الجيش عمله مع اخواتي في محمد محمود و عند ماسبيرو و لا مجلس الوزراء و زعلانة على البنات و اللي حصلهم لاني بنت زيهم و معترضة على المحاكمات العسكرية للمدنيين . بس فهموني هتختاروا اللي هيستلم السلطة ازاي كل ما نختار حد نقول لا ده مش بيمثل الميدان و الشعب مش عايزة اللي حضرتك عايزة مش زي اللي سيادته عايزة و اللي الهانم عايزاه كل واحد فينا عايز حاجة هنختاره من غير تصويت هنلاقي طرف يطلعلنا و يقولنا لا ده مش عجبني و ينزل يعملي مليونية في الميدان .و  ندننا طول السنة نعمل مليونات و نتخانق مع بعض و مش ههنجز حاجة ؟

بيقولوا ازاي الاخوان يحتفلوا دول خانوا الشهداء . مع العلم يا افندينا ان الاخوان جزء لا يتجزأ من الشعب المصري و زيهم زي أي حد ليهم شهداء و ليهم مصابين اقل مثل مصعب أكرم الشاعر اللي اصيب بأكثر من 200 رصاصة في جسمه و إلى الآن عمل عشر عمليات و لسه الرصاص في جسمه . جراح القلب اللي فقد إيده الشمال و معدش بيعرف يحركها و بالتالي فقد وظيفته اللي اكيد اختارها عن حب و معدش هيعرف يشتغل جراح قلب تاني معتقدش ان الاخوان هسيبوا حق مصعب و لا كتير من امثاله من شباب الاخوان و من شباب الشعب المصري كامل . و هما نزلوا الميدان و هما قايلين هنحتفل بما انجز و هنكمل ثورتنا و نطالب بحقوق شهدائنا .

هتقولي انجزنا ايه كفاية يا عم الحاج ان مبارك ساب حكم مصر . كفاية اننا شمينا ريحة الحرية . كفاية ان السنة اللي فاتت اللي كانن فيها فتحي السرور على مقعد رئيس المجلس و سعد الكتتاني في المعتقل و اتبدلت المقاعد . يا اخي لولا الثورة دي كنت عرفت تفتح قناة و تقول اللي انت عايزه كنت عرفت تقف تشتم و تسب في جمال و مبارك و عز و تقول رايك بحرية من غير ما تنسحب على المعتقل . كنت تعرف تعمل انتخابات نزيهة . و يجي مجلس شعب انت اللي اخترته . كنت عرفت تغير الحكومة ثلااث مرات علشان مش عجباك . دي حاجات متستحقش انك تحتفل عليها مع التأكيد على انك مش هتسيب حق اخواتك اللي ماتوا و ده اللي مجلس الشعب اللي الشعب اختاره في انتخابات نزيهة بيناقشوا حاليا .

بتقولي المجلس مبيمسلش الثورة افهم بقة مينفعش يكون حد من الاخوان او السلف بيمثل الثورة لازم يكونوا براهم علشان يكون بيمثل الثورة هما دول كمان مش شاركوا في الثورة واحد زي د/محمد البلتاجي علشان من الاخوان مع انه في الميدان من يوم 25 مينفعش اقول انه بيمثل الثورة ما دام هو اخواني . واحد زي أ/أكرم الشاعر مينفعش اقول انه والد أحد المصابين علشان هو اخوان . غير ان ده المجلس اللي الشعب اختاره و قعدنا نقول انتخابات نزيهة و سنية و بهية و اول ما لقينا الاخوان اغلبية يبقى مجلس مميثلش الثورة و. و المطلوب اعيد الانتخابات تاني و اخليني طول عمري بعمل انتخابات علشان النتيجة مش عجباني .

يا اخي دول الاخوان المسلمين اللي كانوا واقفين جنبك ايد في الايد في الميدان علشان ينجحوا الثورة . دول اللي كانوا واقفين في وش النظام البائن قبل الثورة و صبروا ايام و شهور و سنين في المعتقلات علشان البلد دي.  دول اللي اتهددتوا في المجلس بالطرد اكثر من مرة و التحويل للجنة القيم علشان كانوا بيدافعوا عن شباب مصر امثال شباب 6 إبريل و رفعوا شعارهم في المجلس اعتراضا على تعسف الحكومة مع هذه الحركة . دول برغم انهم نواب مجلس الشعب اول من اخترع فكرة التظاهر ة الاعتصام في البهو الفرعوني و باتوا فيه الليالي مع مكانتهم العالية . دول اللي استحملوا السب و الاهانة امبارح في الميدان مش علشان خطرك انت لا علشان خاطر حبيبتهم مصر اللي ضحوا و لسه هيضحوا ان شاء الله كتير علشانها . مش مستنيين منكم اجر و لا جزاء احنا مستنين اجرنا من رب العباد . بس حبيبت بس اطلع شوية من اللي جوايا . و في الاخر اخوانية و أفتخر .